તને ઓળખું છુ માં..
કવિ : મનોહર ત્રિવેદી
ધોરણના ગુજરાતીના પ્રથમ સત્રમાં સમાવિષ્ટ આ કવિતા કવિ મનોહર ત્રિવેદીની સુંદર રચના છે. સરળ શબ્દોમાં માતૃમહિમા વર્ણવતી આ કવિતા વારંવાર સાંભળવી ગમે છે.
તને ઓળખું માં !
સરે અચાનક હોઠેથી બસ એક વેણ તે ખમ્મા !
ખમ્મા કહેતા પાંપણ પરથી નહીં ખરેલા આંસુ,
ઘરને ખૂણે એકલવાયું વરસે છે ચોમાસુ,
મળે લહેરખી : હોઉં ભલે હું લૂ ઝરતા મારગમાં,
તરણા પેઠે ચાવે કે હડસેલે કોઈ ફેંકે,
પગ પર ઊભો થાઉં ફરી તારી મમતાના ટેકે,
દસે ટેરવાં અડે ને પીડા છુ થાતી પળભરમાં.
ઘરથી જાઉં દૂર છતાં તું હોય આંખની સામે ,
કોણ અભાગી હોય જે માંને આમ સદા ના પામે,
સ્મરણ સ્મરણ તે તીરથ તારી એમ કરું પરકમ્મા
તને ઓળખું માં ! તને ઓળખું માં !
