Sunday 3 April 2022

ઝીણી ઝરમર વરસી !


ઝીણી ઝરમર વરસી !    

કવિ -  ઉપેન્દ્ર પંડ્યા 

આજ હવામાં હીરાની કંઇ કણીઓ ઝગમઝ વિલસી !

એવી ઝરમર વરસી !

વેણીની વીખરેલી લટ-શી લહરી ચંચલ સરકી,

તરુ તરુમાં મૂર્છિત તરણામાં લહરાતી ક્યાં લટકી?

ભૂલી પડેલી સહિયરને કો લેતું હૈયા સરસી !

ઝીણી…

પતંગિયાની પાંખ સમો આ કૂંળો તડકો ચમકે,

મધુમય અંતર આભ તણું શા અભિનવ છંદે મલકે?

કળીઓના ઘૂંઘટને ખોલી ભમતો પરાગ પ્યાસી.

ઝીણી…

વિરહિણી કો યક્ષિણી જેવી જલ ઝંખે ધરતી તરસી,

તપ્ત ધરાનાં અંગ અંગને અમરતથી ગઇ પરસી,

ઝીણી ઝરમર વરસી !


– ઉપેન્દ્ર પંડ્યા


No comments:

Post a Comment